身邊好多年紀比較大嘅朋友，買股票試過輸錢，又或者賣咗自住樓等樓價跌，之後就好驚買樓買股票，簡單來講就係好驚風險。但係佢哋忽略咗其實唔投資都有風險，我自己輸過錢亦都贏過錢，所以想分享少少投資心得。 曹仁超雖然過世，但係佢嘅金句永遠長存。好似佢鼓勵年青朋友出去闖去創業，唔應該成日掛住買樓。佢講得固然冇錯，但係大前提你要好有想法，例如一個改變世界嘅念頭同埋確實執行嘅方法，如果唔係都係腳踏實地存首期買樓。
而家莫講話500尺，有啲劏房盤得百幾呎，仲細過車位。如果你嘅收入穩定，每個月都可以存下固定數目的金錢，400萬以下嘅樓，就係你嘅好朋友。 大家都知，400萬以下樓可以借九成，如果銀行批你按揭，一定要借盡佢。我們的父母都很害怕欠債，因為佢哋嘅年代利率超高，又經歷過負資產，所以有心理陰影。但係今日全世界印銀紙，你今日欠債360萬，係不遠嘅將來只係微不足道。 如果金錢足夠，當然買大型屋苑最好，但係而家400萬只係剩返一啲單幢樓可以選擇。地鐵站附近嘅單幢樓都係一個唔錯嘅選擇，例如東九龍嘅觀塘牛頭角區，西九龍可以去吓深水埗長沙灣。新界區同九龍區嘅樓價差唔多，如果差唔多價錢，九龍區會更值得上車。
如果你有另一半，一齊去睇樓，係一個增進感情嘅好方法，等對方覺得你為你哋嘅將來打算。就算你而家單身，你都可以約埋父母一齊去睇樓，增加親子感情。 好好計算儲蓄金額，同埋認識市區的上車盤吧。
